Published on Mon, 12/05/2011തെല്‍ അവീവ്: ഈജിപ്ത് പാര്‍ലമെന്‍റിലേക്ക് നടന്ന ആദ്യഘട്ട തെരഞ്ഞെടുപ്പില്‍ 45 ശതമാനം സീറ്റ് നേടിയ മുസ്ലിം ബ്രദര്‍ ഹുഡിന്‍െറ വിജയത്തില്‍ ഇസ്രായേലിന് ആശങ്ക. ഇസ്രായേല്‍ സര്‍ക്കാറും മാധ്യമങ്ങളുമാണ് കഴിഞ്ഞദിവസങ്ങളില്‍ ബ്രദര്‍ഹുഡിന്‍െറ രാഷ്ട്രീയ സംഘടനയായ ഫ്രീഡം ആന്‍ഡ് ജസ്റ്റിസ് പാര്‍ട്ടിയുടെ (എഫ്.ജെ.പി)വിജയത്തില്‍ ആശങ്ക അറിയി ച്ചത്. ബ്രദര്‍ഹുഡിന്‍െറ വിജയത്തോടെ ഈജിപ്ത് ഇസ്ലാമിക രാജ്യമായി മാറുമെന്ന് ഭയപ്പെടുന്നതായി ഇസ്രായേല്‍ ധനമന്ത്രി യുവാല്‍ സ്റ്റൈന്‍റ്സ് പറഞ്ഞു. ബ്രദര്‍ഹുഡിന്‍െറ വിജയം മേഖലക്ക് തന്നെ ഭീഷണിയാണെന്നും അദ്ദേഹം പറഞ്ഞു. എഫ്.ജെ.പിയുടെയും തീവ്ര സലഫി വിഭാഗമായ അന്നൂറിന്‍െറയും വിജയത്തോടെ മേഖലയിലെ സ്ഥിതി കൂടുതല്‍ വഷളായതായി പ്രമുഖ ദിനപത്രമായ യദിയൂത് അഹ്റുനൂത് അഭിപ്രായപ്പെട്ടു. അന്നൂറിന് 25 ശതമാനം സീറ്റ് ലഭിച്ചിട്ടുണ്ട്.
ഈജിപ്തില്‍ വരാനിരിക്കുന്ന നാളുകളെക്കുറിച്ച് ചിന്തിക്കാന്‍ പോലും കഴിയുന്നില്ളെന്ന് ഈജിപ്തിലെ ഇസ്രായേല്‍ അംബാസഡര്‍ ഇസ്ഹാഖ് ലെവനാന്‍ പറഞ്ഞു.
Leave a comment