Published on Fri, 09/02/2011 -
ട്രിപളി: വിദേശരാജ്യങ്ങളുടെ അനാവശ്യ ഇടപെടലാണ് ലിബിയയില്‍ ആഭ്യന്തരയുദ്ധത്തിന് വഴിവെച്ചതെന്ന് മുഅമ്മര്‍ ഖദ്ദാഫി. രാജ്യത്തെ എണ്ണയും മറ്റു പ്രകൃതി വിഭവങ്ങളും കണ്ടാണ് അവര്‍ ലിബിയയുെട ആഭ്യന്തരകാര്യത്തില്‍ ഇടപെടുന്നതെന്നും ഖദ്ദാഫി കുറ്റപ്പെടുത്തി. വ്യാഴാഴ്ച ഒരു സിറിയന്‍ ടെലിവിഷന്‍ ചാനല്‍ പുറത്തുവിട്ട ശബ്ദസേന്ദശത്തിലാണ് ഖദ്ദാഫി രാജ്യത്തെ വിദേശശക്തികളെ രൂക്ഷമായി വിമര്‍ശിച്ചത്. 'സാമ്രാജ്യത്വത്തെ ലിബിയന്‍ ജനത വെറുക്കുന്നു. ആര്‍ക്കാണ് അതിനെ അംഗീകരിക്കാനാവുക? രാജ്യത്തെ മുഴുവന്‍ ജനങ്ങള്‍ സാമ്രാജ്യത്വത്തിനെതിരായ പോരാട്ടത്തില്‍ പങ്കെടുക്കണം' -അദ്ദേഹം പറഞ്ഞു. നാറ്റോ തങ്ങളുടെ വ്യോമാക്രമണം ഉടന്‍ അവസാനിപ്പിക്കണമെന്നും അദ്ദേഹം ആവശ്യപ്പെട്ടു.
വ്യാഴാഴ്ച നല്‍കിയ മറ്റൊരു ഓഡിയോ സന്ദേശത്തില്‍, പ്രക്ഷോഭകര്‍ക്കെതിരെയുള്ള പോരാട്ടം തുടരാന്‍ അനുയായികളോട് അദ്ദേഹം ആവശ്യപ്പെട്ടു. 'പ്രക്ഷോഭകര്‍ക്ക് മുമ്പില്‍ ഒരിക്കലും കീഴടങ്ങില്ല. ഞങ്ങള്‍ പെണ്ണുങ്ങളല്ല, പോരാട്ടം തുടരുക തന്നെ ചെയ്യും' -അദ്ദേഹം പറഞ്ഞു. തന്റെ അനുയായികള്‍ ഒരിക്കലും തന്നെ കൈവിടില്ലെന്നും അദ്ദേഹം പറഞ്ഞു.
Tags:
മുഅമ്മറുല്‍ ഖദ്ദാഫി,
ലിബിയ
Leave a comment