Published on Sat, 08/13/2011 -
ലണ്ടന്‍: ലണ്ടന്‍ കലാപത്തെ നേരിടുന്നതില്‍ രാജ്യത്തെ പ്രധാനമന്ത്രിയുള്‍പ്പടെയുള്ള രാഷ്ട്രീയക്കാരെക്കാള്‍ ബ്രിട്ടനിലെ ജനങ്ങളുടെ വിശ്വാസം നേടിയെടുത്തത് പൊലീസെന്ന് സര്‍വേ. ഗാര്‍ഡിയന്‍ പത്രം കഴിഞ്ഞദിവസം പുറത്തുവിട്ട സര്‍വേയിലാണ് ജനങ്ങള്‍ ഇങ്ങനെ അഭിപ്രായപ്പെട്ടത്്്. കലപം നേരിടുന്നതില്‍ പ്രധാനമന്ത്രി ഡേവിഡ് കാമറണ്‍ പരാജയപ്പെട്ടുവെന്നാണ് സര്‍വേയില്‍ പങ്കെടുത്ത 70 ശതമാനം ആളുകളും വിലയിരുത്തിയത്. പ്രധാനമന്ത്രിയുടെയും ലണ്ടന്‍ മേയര്‍ ബോറിസ് ജോണ്‍സന്റെയും കലാപം സംബന്ധിച്ച പ്രതികരണങ്ങള്‍ കുടുതല്‍ ആളുകളും നിരാശയാണ് ഉളവാക്കിയതെന്നും സര്‍വേഫലം വ്യക്തമാക്കുന്നു. 70 ശതാനത്തിലധികം ആളുകളും ജോണ്‍സന് എതിരായാണ് വോട്ട് രേഖപ്പെടുത്തിയത്.
കലാപത്തിന്റെ യഥാര്‍ഥ കാരണങ്ങളെകുറിച്ചുള്ള ചോദ്യത്തിന് 28 ശതമാനം ആളുകളും സാമൂഹികമായ കാരണങ്ങളാണ് കലാപത്തിന് പിന്നിലെന്ന് അഭിപ്രായപ്പെട്ടു. എട്ട് ശതമാനം ആളുകള്‍ രാജ്യത്തെ തൊഴിലില്ലായ്മയാണ് കാരണമെന്നാണ് വിശ്വസിക്കുന്നത്്. അഞ്ച് ശതമാനം ആളുകള്‍ മാരതമാണ് മാര്‍ക് ഡഗന്റെ മരണം കലാപകാരമണായി ചൂണ്ടിക്കാട്ടിയത്.
Leave a comment