Published on Tue, 06/07/2011
കൈറോ: കടുത്ത ഭരണകൂട പീഡനങ്ങള്‍ ഏറ്റുവാങ്ങിയ മുസ്ലിം ബ്രദര്‍ഹുഡിന് ഒടുവില്‍ ഈജിപ്തില്‍ നിയമാംഗീകാരം. ബ്രദര്‍ഹുഡ് കഴിഞ്ഞ ഏപ്രിലില്‍ രൂപം നല്‍കിയ 'ഫ്രീഡം ആന്‍ഡ് ജസ്റ്റിസ് പാര്‍ട്ടി'ക്ക് ഈജിപ്ഷ്യന്‍ ഭരണകൂടം രാഷ്ട്രീയ പാര്‍ട്ടിയായി ചൊവ്വാഴ്ച അംഗീകാരം പ്രഖ്യാപിച്ചു. രാഷ്ട്രീയ പാര്‍ട്ടികള്‍ക്ക് നിയമ സാധുത അനുവദിക്കുന്ന കമീഷനാണ് പാര്‍ട്ടിക്ക് പ്രവര്‍ത്തനാനുമതി പ്രഖ്യാപിച്ചത്.
80 വര്‍ഷം മുമ്പ് രൂപവത്കരിക്കപ്പെട്ട ബ്രദര്‍ഹുഡിനെ വിധ്വംസക പ്രവര്‍ത്തനങ്ങള്‍ ആരോപിച്ച് ഈജിപ്ഷ്യന്‍ ഭരണകൂടം നിരോധിക്കുകയും നിരവധി നേതാക്കളേയും പ്രവര്‍ത്തകരേയും തുറുങ്കിലടച്ച് പീഡിപ്പിക്കുകയും ചെയ്തിരുന്നു.
കഴിഞ്ഞ ഫെബ്രുവരി 11ന് ഈജിപ്ത് പ്രസിഡന്റ് ഹുസ്‌നി മുബാറകിനെ സ്ഥാനഭ്രഷ്ടനാക്കിയ ജനകീയ വിപ്ലവത്തെതുടര്‍ന്നുണ്ടായ രാഷ്ട്രീയ കാലാവസ്ഥയാണ് ബ്രദര്‍ഹുഡിന്റെ രാഷ്ട്രീയ പ്രവര്‍ത്തന സ്വാതന്ത്ര്യത്തിലേക്ക് വഴി തുറന്നത്. പാര്‍ട്ടിക്ക് ലഭിച്ച അംഗീകാരത്തില്‍ ബ്രദര്‍ഹുഡ് അധ്യക്ഷന്‍ മുഹമ്മദ് ബദീഅ് ആഹ്ലാദം പ്രകടിപ്പിച്ചു. അതേസമയം, ദേശീയ രാഷ്ട്രീയത്തിലെ പ്രബല സാന്നിധ്യമായി പാര്‍ട്ടിയെ വളര്‍ത്താന്‍ സമര്‍പ്പണബോധത്തോടെയുള്ള പ്രവര്‍ത്തനം അനിവാര്യമാണെന്ന് അദ്ദേഹം പ്രവര്‍ത്തകരെ ഉണര്‍ത്തി.
80 വര്‍ഷം മുമ്പ് രൂപവത്കരിക്കപ്പെട്ട ബ്രദര്‍ഹുഡിനെ വിധ്വംസക പ്രവര്‍ത്തനങ്ങള്‍ ആരോപിച്ച് ഈജിപ്ഷ്യന്‍ ഭരണകൂടം നിരോധിക്കുകയും നിരവധി നേതാക്കളേയും പ്രവര്‍ത്തകരേയും തുറുങ്കിലടച്ച് പീഡിപ്പിക്കുകയും ചെയ്തിരുന്നു.
കഴിഞ്ഞ ഫെബ്രുവരി 11ന് ഈജിപ്ത് പ്രസിഡന്റ് ഹുസ്‌നി മുബാറകിനെ സ്ഥാനഭ്രഷ്ടനാക്കിയ ജനകീയ വിപ്ലവത്തെതുടര്‍ന്നുണ്ടായ രാഷ്ട്രീയ കാലാവസ്ഥയാണ് ബ്രദര്‍ഹുഡിന്റെ രാഷ്ട്രീയ പ്രവര്‍ത്തന സ്വാതന്ത്ര്യത്തിലേക്ക് വഴി തുറന്നത്. പാര്‍ട്ടിക്ക് ലഭിച്ച അംഗീകാരത്തില്‍ ബ്രദര്‍ഹുഡ് അധ്യക്ഷന്‍ മുഹമ്മദ് ബദീഅ് ആഹ്ലാദം പ്രകടിപ്പിച്ചു. അതേസമയം, ദേശീയ രാഷ്ട്രീയത്തിലെ പ്രബല സാന്നിധ്യമായി പാര്‍ട്ടിയെ വളര്‍ത്താന്‍ സമര്‍പ്പണബോധത്തോടെയുള്ള പ്രവര്‍ത്തനം അനിവാര്യമാണെന്ന് അദ്ദേഹം പ്രവര്‍ത്തകരെ ഉണര്‍ത്തി.
Leave a comment