Published on Thu, 01/27/2011
'ചരിത്രത്തിലാദ്യമായി' എന്നു വിശേഷിപ്പിക്കാവുന്ന നിരവധി സംഭവങ്ങള്‍ക്കാണ് ഇപ്പോള്‍ അറബ്‌രാജ്യങ്ങള്‍ സാക്ഷ്യം വഹിക്കുന്നത്. പ്രസിഡന്റ് ഹുസ്‌നി മുബാറകിന്റെ അധികാരമൊഴിയല്‍ ആവശ്യപ്പെട്ട് ആയിരങ്ങളാണ് ഈജിപ്തിന്റെ പാതകളില്‍ അണിനിരക്കുന്നത്. ഏഷ്യന്‍ രാജ്യമായ യമനില്‍ പ്രസിഡന്റ് അലി അബ്ദുല്ല സാലിഹിനെതിരെ ജനരോഷം വ്യാപിച്ചിരിക്കുന്നു.
മുമ്പ് ഉണ്ടാവാത്ത ചില തിരിച്ചറിവുകള്‍ അറബ് രാജ്യങ്ങളിലെ ജനതകളില്‍ പ്രകടമാകുന്നു എന്നാണ് ഇപ്പോഴത്തെ പ്രക്ഷോഭങ്ങള്‍ തെളിയിക്കുന്നത്. നുണകളുടെ കൊട്ടാരത്തില്‍ ജനങ്ങള്‍ എന്നും ശാന്തരായി കഴിഞ്ഞുകൊള്ളും എന്ന ഭരണകൂട ധാരണകള്‍ ഇളകുകയാണ്. നുണകളുടെ കാലം അവസാനിച്ചിരിക്കുന്നു. നേതാക്കളുടെ വാക്കുകള്‍ കണ്ണുംപൂട്ടി വിശ്വസിക്കുന്ന ജനതകളുടെ കാലം അറബ് ലോകത്ത് ഇനി തുടരാന്‍ സാധ്യതയില്ല. മേലില്‍ അധികാരികള്‍ക്ക് വ്യാജ പ്രസ്താവനകള്‍കൊണ്ട് ജനങ്ങളെ വഞ്ചിക്കാന്‍ കഴിയില്ല.
അറബ് ജനത അവരുടെ നേതാക്കളെ സ്വയം തീരുമാനിക്കുന്നിടത്തേക്കാണ് കാര്യങ്ങളുടെ പോക്ക്. പാശ്ചാത്യരുടെ നിയന്ത്രണത്തില്‍ ഒതുങ്ങുന്ന അറബ്‌ലോകം എന്ന സങ്കല്‍പം അവസാനിക്കുകയാണ്. വടക്കന്‍ ആഫ്രിക്കയില്‍ തുനീഷ്യന്‍ ജനത പ്രതിഷേധാഗ്‌നിയുമായി തെരുവിലിറങ്ങുകയും പ്രസിഡന്റ് സൈനുല്‍ ആബിദീന്‍ ബിന്‍ അലി അധികാരമൊഴിഞ്ഞ് നാടുവിട്ടോടുകയും ചെയ്തപ്പോള്‍ അമേരിക്ക പ്രതികരിച്ചതേയില്ല എന്നത് ശ്രദ്ധേയമാണ്. വിദേശകാര്യ സെക്രട്ടറി ഹിലരി ക്ലിന്റന്‍ അദ്്ഭുതകരമായ നിശ്ശബ്ദതയാണ് പാലിച്ചത്. 'ജനങ്ങള്‍ സ്വാതന്ത്ര്യം പ്രഖ്യാപിക്കുന്ന തുനീഷ്യയെ കാണുമ്പോള്‍ താന്‍ സന്തോഷിക്കുന്നു' എന്നാണ് ഇറാന്‍ പ്രസിഡന്റ് അഹ്മദി നെജാദ് പ്രതികരിച്ചത്.
ഈജിപ്തില്‍ ഹുസ്‌നിമുബാറകിന്റെ നാളുകള്‍ എണ്ണപ്പെട്ടിരിക്കുന്നു. അദ്ദേഹത്തിന്റെ മകന് അടുത്ത ഭരണാധികാരിയാവാം എന്ന മോഹം ജനങ്ങള്‍ തകര്‍ത്തിരിക്കുന്നു. ഈജിപ്തുകാര്‍ ആഗ്രഹിക്കുന്ന നേതാവ് മുബാറകിന്റെ മകനല്ല.
അയാളൊരു സാധാരണ ബിസിനസുകാരന്‍ മാത്രമാണ്. ഇപ്പോഴത്തെ അഴിമതിനിറഞ്ഞ, പ്രശ്‌നബാധിതമായ ഈജിപ്തിനെ രക്ഷിക്കാന്‍ അയാളുടെ കേവല ബിസിനസ് സാമര്‍ഥ്യത്തിന് കഴിയണമെന്നില്ല.
പശ്ചിമേഷ്യയില്‍ അമേരിക്കയുടെ ആധിപത്യം ഇതാദ്യമായി ചോദ്യംചെയ്യപ്പെടുകയാണ്. അമേരിക്ക അധികാരത്തില്‍ വാഴിച്ചവരെ ജനങ്ങള്‍ താഴെയിറക്കുന്നു.
എവിടേക്കാണ് ഓടിരക്ഷപ്പെടുക എന്ന ആലോചനയിലാണ് മുബാറക്. ലബനാനില്‍ അമേരിക്കയുടെ ഇഷ്ടക്കാരായ ഭരണാധികാരികള്‍ ജനങ്ങളാല്‍ വിചാരണ ചെയ്യപ്പെടുന്നു. അറബ്‌ലോകത്ത് പാശ്ചാത്യ കേന്ദ്രീകൃത ജനാധിപത്യത്തിന്റെ നാളുകള്‍ എണ്ണപ്പെടുകയാണ്. പകരം എന്താണ് വരാന്‍ പോകുന്നത് എന്നത് പ്രവചനാതീതമാണ്. ചരിത്രത്തിനു മാത്രമേ ആ ചോദ്യത്തിന് ഉത്തരം നല്‍കാനാവൂ.
മുമ്പ് ഉണ്ടാവാത്ത ചില തിരിച്ചറിവുകള്‍ അറബ് രാജ്യങ്ങളിലെ ജനതകളില്‍ പ്രകടമാകുന്നു എന്നാണ് ഇപ്പോഴത്തെ പ്രക്ഷോഭങ്ങള്‍ തെളിയിക്കുന്നത്. നുണകളുടെ കൊട്ടാരത്തില്‍ ജനങ്ങള്‍ എന്നും ശാന്തരായി കഴിഞ്ഞുകൊള്ളും എന്ന ഭരണകൂട ധാരണകള്‍ ഇളകുകയാണ്. നുണകളുടെ കാലം അവസാനിച്ചിരിക്കുന്നു. നേതാക്കളുടെ വാക്കുകള്‍ കണ്ണുംപൂട്ടി വിശ്വസിക്കുന്ന ജനതകളുടെ കാലം അറബ് ലോകത്ത് ഇനി തുടരാന്‍ സാധ്യതയില്ല. മേലില്‍ അധികാരികള്‍ക്ക് വ്യാജ പ്രസ്താവനകള്‍കൊണ്ട് ജനങ്ങളെ വഞ്ചിക്കാന്‍ കഴിയില്ല.
അറബ് ജനത അവരുടെ നേതാക്കളെ സ്വയം തീരുമാനിക്കുന്നിടത്തേക്കാണ് കാര്യങ്ങളുടെ പോക്ക്. പാശ്ചാത്യരുടെ നിയന്ത്രണത്തില്‍ ഒതുങ്ങുന്ന അറബ്‌ലോകം എന്ന സങ്കല്‍പം അവസാനിക്കുകയാണ്. വടക്കന്‍ ആഫ്രിക്കയില്‍ തുനീഷ്യന്‍ ജനത പ്രതിഷേധാഗ്‌നിയുമായി തെരുവിലിറങ്ങുകയും പ്രസിഡന്റ് സൈനുല്‍ ആബിദീന്‍ ബിന്‍ അലി അധികാരമൊഴിഞ്ഞ് നാടുവിട്ടോടുകയും ചെയ്തപ്പോള്‍ അമേരിക്ക പ്രതികരിച്ചതേയില്ല എന്നത് ശ്രദ്ധേയമാണ്. വിദേശകാര്യ സെക്രട്ടറി ഹിലരി ക്ലിന്റന്‍ അദ്്ഭുതകരമായ നിശ്ശബ്ദതയാണ് പാലിച്ചത്. 'ജനങ്ങള്‍ സ്വാതന്ത്ര്യം പ്രഖ്യാപിക്കുന്ന തുനീഷ്യയെ കാണുമ്പോള്‍ താന്‍ സന്തോഷിക്കുന്നു' എന്നാണ് ഇറാന്‍ പ്രസിഡന്റ് അഹ്മദി നെജാദ് പ്രതികരിച്ചത്.
ഈജിപ്തില്‍ ഹുസ്‌നിമുബാറകിന്റെ നാളുകള്‍ എണ്ണപ്പെട്ടിരിക്കുന്നു. അദ്ദേഹത്തിന്റെ മകന് അടുത്ത ഭരണാധികാരിയാവാം എന്ന മോഹം ജനങ്ങള്‍ തകര്‍ത്തിരിക്കുന്നു. ഈജിപ്തുകാര്‍ ആഗ്രഹിക്കുന്ന നേതാവ് മുബാറകിന്റെ മകനല്ല.
അയാളൊരു സാധാരണ ബിസിനസുകാരന്‍ മാത്രമാണ്. ഇപ്പോഴത്തെ അഴിമതിനിറഞ്ഞ, പ്രശ്‌നബാധിതമായ ഈജിപ്തിനെ രക്ഷിക്കാന്‍ അയാളുടെ കേവല ബിസിനസ് സാമര്‍ഥ്യത്തിന് കഴിയണമെന്നില്ല.
പശ്ചിമേഷ്യയില്‍ അമേരിക്കയുടെ ആധിപത്യം ഇതാദ്യമായി ചോദ്യംചെയ്യപ്പെടുകയാണ്. അമേരിക്ക അധികാരത്തില്‍ വാഴിച്ചവരെ ജനങ്ങള്‍ താഴെയിറക്കുന്നു.
എവിടേക്കാണ് ഓടിരക്ഷപ്പെടുക എന്ന ആലോചനയിലാണ് മുബാറക്. ലബനാനില്‍ അമേരിക്കയുടെ ഇഷ്ടക്കാരായ ഭരണാധികാരികള്‍ ജനങ്ങളാല്‍ വിചാരണ ചെയ്യപ്പെടുന്നു. അറബ്‌ലോകത്ത് പാശ്ചാത്യ കേന്ദ്രീകൃത ജനാധിപത്യത്തിന്റെ നാളുകള്‍ എണ്ണപ്പെടുകയാണ്. പകരം എന്താണ് വരാന്‍ പോകുന്നത് എന്നത് പ്രവചനാതീതമാണ്. ചരിത്രത്തിനു മാത്രമേ ആ ചോദ്യത്തിന് ഉത്തരം നല്‍കാനാവൂ.
Leave a comment