Published on Fri, 02/04/2011 - 20:20 ( 42 weeks 4 days ago)
തെഹ്‌റാന്‍: ഈജിപ്തില്‍ നടക്കുന്നത് ഇസ്‌ലാമിക ഉയിര്‍ത്തെഴുന്നേല്‍പാണെന്ന് ഇറാനിലെ പരമോന്നത നേതാവ് ആയത്തുല്ല അലി ഖാംനഇ. 1979ലെ ഇറാന്‍ വിപ്ലവത്തിന് സമാനമായ ജനമുന്നേറ്റമാണ് ഈജിപ്തില്‍ നടക്കുന്നതെന്നും തെഹ്‌റാന്‍ സര്‍വകലാശാലയില്‍ നടന്ന പരിപാടിയില്‍ അദ്ദേഹം പറഞ്ഞു. 'ഈജിപ്തിലും തുനീഷ്യയിലും മറ്റും നടക്കുന്നത് ഇറാനില്‍ നടന്നതിന്റെ മാതൃകയാണ്. അതിന് വ്യത്യസ്ഥ അര്‍ഥവും സാഹചര്യവും ഉണ്ടെന്നേയുള്ളൂ' -ഖാംനഇ തുടര്‍ന്നു. ഈജിപ്തിലെ പ്രക്ഷോഭത്തെ ഇറാനിലെ മുതിര്‍ന്ന നേതാക്കള്‍ പിന്തുണച്ചിട്ടുണ്ട്. എന്നാല്‍, അമേരിക്കയുടെ ഇടപെടലിനെതിരെ പ്രക്ഷോഭകര്‍ക്ക് മുന്നറിയിപ്പ് നല്‍കിയിട്ടുണ്ട്.
Tags:
ഇറാൻ,
മുല്ലപ്പൂവിപ്ലവം-വിശകലനം
Leave a comment